Semiótica - Glosario de filosofía
Si una palabra no aparece en el listado de términos mostrado es que no se encuentra definida en el glosario.
- Semiótica
- 1. Do grego "semeiotiké", termo que deriva, pola súa vez, de "seméion" (signo). O termo semiótica, (usado orixinalmente no mundo anglosaxón), ou semioloxía (máis usado no mundo francófono), aplícase ao estudo da natureza dos signos: a súa orixe, significado, formas de transmisión, relación entre eles, etc.
2. Xa a partir da antigüidade o estudo dos signos (especialmente dos lingüísticos) espertou a curiosidade e o interese tanto dos sofistas, como de Platón e Aristóteles, así como das escolas estoica e a epicúrea, interese que se segue observando nos lóxicos gramáticos medievais. Na época moderna, o impulso dado por Locke ao estudo da linguaxe fará que a semiótica se desenvolva considerabelmente na filosofía moderna, desenvolvemento que recibirá un forte impulso na época contemporánea coas achegas de C. S. Peirce e F. de Saussure, a quen adóitase considerar os pais da semiótica contemporánea, que chegará a ocupar un lugar central nas reflexións filosóficas.
3. É habitual dividir a semiótica en tres partes: a sintaxe (o estudo das relacións dos signos entre si), a semántica (o estudo das relacións dos signos co obxecto significado), e a pragmática (o estudo das relacións dos signos cos suxeitos que os utilizan). Dada a universalidade do emprego de signos, as investigacións semióticas abarcan todo tipo de manifestacións culturais: cine, teatro, arquitectura, música, literatura, arte, e o estudo da cultura en xeral.